Urang Siboga

Posted on 1 Juni 2009

3


Sub Etnik Batak, Pesisir atau Melayu?

By : M.S. TANJUNG

Pukek Tarik

Waktu ambo sekitar bulan November 2008 na lewat pulang ka Siboga, disalah satu parsimpangan kota, takambang sabua spanduk nan batuliskan ” Selamat
datang di kota Sibolga, kota berbilang kaum“. Barangkali pasan na nandak di agi tahu spanduk tu iola bahwa kota Siboga dihuni oleh babarapo etnik/suku, diantaronyo: Batak, Urang Siboga/pesisir?, Minang, Melayu, Atje. Cino dlsbnyo. Kok itu memang cukup jale diambo. Pasan na lain barangkali maksudnnyo diantaro babilangan kaum tu jangan tajadi parsalisihan nan disababkan oleh perbedaan etnik dan agama. Kito ba kongsi tampek/wilayah.

Dari ketek daulu pun ala tau awak anyo bahwa kota Siboga dan Kabupaten Tapanuli Tengah tu ditampe’i basamo oleh babarapo etnik tadi. Tapi nan manjadi persoalan dan pertanyaan di diri ambo adolah: sasunggunyo Urang Siboga tu masuk etnik/suku apo. Urang Siboga tu masuk etnik batak ato masuk etnik Melayu.

Ambo indak ahli antropologi tapi manurut ambo pribadi kok dikecekkan urang Siboga tu urang Batak, rasonyo kurang pas mangingek bahaso, budaya, adat istiadatnyo indak samo jongon etnik Batak. Urang Siboga, bahasonyo bahaso umaknyo (his or her mother tounge) adalah bahaso ambo ambo, ba munak munak, bahaso siboga atau bahaso urang pesisir pantai Sumatera bagian Barat yang dipakai sebagian kaum mulai dari Natal, Singkuang, Batumundom, Lopian, Labuanangin, Siboga, Sorkam, Barus sampai Singkil. Nan mambedakannyo mungkin hanyalah dialek dan intonasinyo sajo. Rato rato Urang Siboga multi lingual, artinyo bisa berkomunikasi jongon baso batak dan bisa baso siboga. Tapi banyak juo urang siboga nan indak bisa baso batak, atau sakurang kurangnyo kurang pasih/medok. Baitu pulo urang batak, banyak na indak bisa baso Siboga. Urang siboga bisa baso batak bukan karano itu bahasa ibunyo, tapi karano pergaulan dan sehari hari berinteraksi jongon urang batak.

Etnik Batak puyo bahaso dan alpabet sendiri yaitu: A HA MA RA TA BA WA I MA NGA LO PA SA DA GA JA U YA NYA. Ikko alpabet baso batak nan ambo palajari waktu SMA dulu di Siboga. Sadangkan baso siboga alpabetnye barangkali barasal dari alpabet baso Arab gundul: alip ba ta sa jim dan satarusnyo. Kok di Medan atau di Bandung ambo mangaku urang Batak. Tapi kok didanga sidak ambo mangecek jongon sasamo urang siboga sidak jadi batanya. Katanya orang Batak, kok ngomongnya kayak orang Padang?

Adat istiadat, budaya (tari2an, seni suara, tata cara perkawinan) kito urang sibogapun juo beda. Kesenian Urang siboga basikambang (liek artikel tantang sikambang babarapo waktu na lewat). Mandanga sikambang tantu bukan sekadar hiburan nan lamak tadango di talingo tapi ado semacam hubungan emosional nan harek mandalam nan sulit dijalekan. Lagu lagu orkes Sitilhang lamak juo didanga, tapi tantu kurang ado keterkaitan emosional.

Nah…. banyak fakta fakta nan bisa mendukung pandapek ambo bahwa urang siboga, bukan identik urang batak walaupun kito tingga di wilayah tapanuli. Atas dasar fakta fakta tadi ambo maraso urang siboga labi dakkek ka etnik melayu.

Tapi ko di kecekkan urang siboga tu urang malayu, indak cocok juo, karano urang siboga tu ba marga, marga etnik batak. Urang siboga bisa ba marga Sitompul, Hutagalung, Pasaribu, Tanjung, Simamora, Tambunan dan lain sebagainyo. Sadangkan etnik melayu indak bamarga sidak ado. Paling mungkin pake binti, nan manandokan anak siapo awaknyo. Namo namo urang Siboga pun beda dengan namo namo urang Batak. Urang tuo kito daulu kok mangagi namo anaknyo pasti dakkek dakek namo urang melayu, seperti: Zulkarnain, Aziz, Marwan, Arman, Dahlan, Irwan, Rusli, Nur dan sebagainyo untuk namo anak laki laki. Untuk namo anak anak padusi pun baitu pulo, misalnyo: Hamidah, Zaleha, Aisah dan sebagainyo. Etnik batak mangagi namo anaknyo sesuai pulo dengan kultur lokalnyo, seperti: Marulam, Marolop, Pardamean, Haposan, Berman, Somor dlsbnya.

Daulu ado na mangagi tau, kalau etnik batak bisa dibagi menjadi babarapo sub-etnik, yaitu: Batak Toba, Batak Mandailing, Batak Dairi. Nah …urang siboga katonyo masuk menjadi sub-etnik Batak Pasisir. Apo iko betul?, Apo ado sub etnik Batak Pasisir? Tolong kawan, akka dusanak na labi pintar dan mengetahui dan mau manjalekannyo. Apokah ado naskah naskah lamo, dan kronik silsilah nan bisa membuktikan asal muasal, dan etnik urang siboga.

Dalam buku Sejarah Raja Raja Barus, nan ditulis oleh Dr. Jane Drakard, Monash University, Melbourne tentang asal muasal urang Barus, dapek dibaco dengan jelas asal muasal sejarah urang Barus mulai dari rajo rajonyo sampai kini. Bagaimano dengan riwayat urang Siboga?

Jadi baitulah pertanyaanko nandak ambo tanyokan untuk mendapekkan jawaban dari urang urang na labi mangatahui. Pertanyaanko bukan bermaksud ambo lebih menyukai satu etnik tertentu dibanding etnik na lain. Karano etnik bukanlah sebuah pilihan. Artinyo indak ado urang nan bisa mamilih kok lahe awaknyo nandak manjadi urang Ulando, urang arab atau urang India. Etnik adalah takdir.

Ambo sanang dan bangga manjadi urang Siboga, apokah itu etnik batak, melayu atau, urang pesisir.

Salam

M.S. TANJUNG

About these ads
Posted in: pesisir